طريقتي فاللدون

اليوما هنوريكم طريقة اللي كندير بيها اللدون cheers

انا كنشري اللدون ع قد العفطة ديال رجلي ليمن هاتقولولي كيفاش كنشري اللدون تقريبا 20 درهم وكنجي كنقيسو ع قد العفطة ديال رجلي ليمن وكنلويه فكلينكس وكنحطو حدا راسي كيبات كعايا Smile
فالصباح كنوض كنسبعو ع راسي وقلبي وداتي كاملا وكنقرا اية الكرسي والفاتحة
كندوبو ف كصرونة Smileو نحضر مهراز به ماء البحر أو بئر او ماء الشتا ولا ماء سيدي حرازم راه كيتباع عند مول الحانوت كنطرطقو فيه ولكن كنأكد فحال ديما ميكونوش الحلقات ولا سنسلة ولا خاتم وكتلبسي بيجامة ديال ماماك واسعة و لي مزال ممزوجاش مديروش راسها احسن شي مرا كبيرة ولا مزوجة حيت هي كتهز لعكس اللي عندك وكتخفف عليك ونزيدكم عطيوها شي فتوح هدي عن تجربة ضربت اللدون واحد النهار لشي ناس ومفعموش راسهم و الله حتي مرضت حتي وليت كنقول منعسش فليل هي ميقجونيش الله يستر اوصافي كنت مازال منفهمش ولكن دابا وليت مطوره ههههه cheers



نصيحة زوينة باش نيغي ديرو لدون متكونوش مزيرين ولا مقلقين باش يخرج ليكم اللدون وبان ليكم اش كاين
اه الا خرج ليكم كحل حيدوه و ديرو واحد اخر وهادا لوحوه فلبحر
قاتلولي الما اش نديرو بيه انا كنمسح بيه يدي و رجلي وكنجمعو وكنربيه فشي جردة بعيدة ع الدار
طرطقو اللدون 3 المرات راه كيريح بنادم انا كنديرو مع الظهر الا ودن العاصر مديروهش

اه نزيدكم انا ضدد فيكرة نضرب اللدون فالروح ديال جافيل ولا كوكا و الله باش بديت نقرا هادشي كنتصدم