عن الميمة أو الحمدوشية

تفضلو يا الحبااب واحد الحضرة جيلالية تبرد القلب. بالنسبة لبزااف الناس تتخلط علييهم العرارم و كيدوخو ما فيها باس نذكرو
الميمة عايشة المسماة الحمدوشية هي الحاكمة الربانية مولاة الابيض و التسبيح و الحضرة الحمدوشية. غالبا تتجي فصفة امراة سمرة شوية و نوادرها حومر بالحنة و ضريفة بزاااااف بالحق إلى طار لها كحلتيوها بحار إلى سخطات عليك مك و لا كثر. هي مولات العادات مولات الهديات مولات الجماعات و عزييز عليها الحنة نقاطي بحال لي تيديرو صحراوة. بخورها جاوي أبيض و صرغينة و معروفة بالطبق ديالها. مقامها الحفرة د سيدي علي و لا سيدي سليمان مول الكيفان تما تتحس بيها كثر حاضرة
السودانية أو الكناوية او قنديشة أو الدغوغية كاملهم روح وحدة على ما يقال اللون الأسود الوحدة الجاوي الاكحل و الظلام هادو سماتها مقامها جيت الخروبة د سيدي أحمد الدغوغي وكاين بلايض أخرين على حسب هي فاين داتك.
مولات المرجة: كاين لي تيقول عايشة الكحلة هي روح خايبة و غير طاهرة عزييز عليها الوسخ و الضايات
عايشة الطويلة و لا الروبالة: هادي هي عايشة الهبييلة إلى كانت فييك قطعتي الورااق صافي مروبلة تتلف الواحد
عايشة الخليفية على ميقال تابعة لولاد خليفة و ممعروفااش أنا سمعت واحد السيد قالها تنتظرو إضافات عليها
إيوا و كاين عايشة الرحالية و العلالية تيقولو اندمجو مع الحمدوشية و الله أعلم
لي تيكون فيها عايشة 90 في المئة عندها الكوحل لحقتاش هما الخدام د عايشة الملكة العظيمة المهابة بالعوالم الخفية